Դասընթացի մասին
Միավորված ազգերի կազմակերպության զարգացման ծրագրի (ՄԱԶԾ/UNDP) կողմից հայտարարված դրամաշնորհային ծրագրերի շրջանակներում Armenian Code Academy կազմակերպության կողմից իրականացվում է մարզաբնակ կանանց համար նախատեսված «Թվային գրագիտության զարգացում» դասընթացը:
Այս ծրագրի նպատակն է զարգացնել մարզերում բնակվող կանանց թվային կարողությունները, որոնք անհրաժեշտ են թվային դարաշրջանում բարգավաճելու համար: Ծրագիրն ընդգրկում է թեմաների լայն շրջանակ, որոնք նշանակալի են թվային գրագիտության, առցանց անվտանգության, արդյունավետ հաղորդակցության, խնդիրների լուծման և այլնի համար:
Դասընթացի տևողությունը 1 ամիս է, առավելագույնը շաբաթական 6-8 ժամ ծանրաբեռնվածությամբ: Դասընթացները անցկացվելու են առցանց վիդեո դասախոսությունների միջոցով՝ մասնակիցներին հնարավորություն տալով սովորել իրենց համար հարմար տեմպով ծրագրի ժամանակացույցի շրջանակներում: Մասնակիցների առաջընթացը չափելի դարձնելու համար դասընթացի ընթացքում նրանք կունենան առաջադրանքներ՝ հարցաշարերի և/կամ այլ վարժությունների տեսքով:
